大坑人氣簡約風咖啡店Oma Specialty Coffee

大坑近年有不少咖啡店進駐，咖啡店自成一角，每逢週末都好多人去飲咖啡打卡朝聖。而Oma Specialty Coffee便是其中一間新開不久的，所以啱啱weekend 決定同朋友去試試。發現佢係比較受歡迎的一間咖啡店，每逢週末中午都坐滿人，要排隊入去。好彩較早時間去，唔洗等太耐。 咖啡店係簡單的工業風裝修，店前係大大的落地玻璃窗，大量光線照入店內好光猛，好舒服。咖啡店仲有佢哋出嘅自家炒嘅咖啡豆，如果鍾意飲佢地嘅咖啡可以買番屋企慢慢嘆。😆 ～ Flat white☕️ $45 先叫咗一杯Flat white咖啡，咖啡可以選擇fruity果味或nutty 豆。我揀咗用nutty豆沖。而咖啡個杯好靚，係模仿黑色雲石質地的陶瓷，杯中散發出濃郁嘅咖啡香。上面仲有好靚嘅拉花😻飲落去好順口，奶同咖啡味好融合，nutty 得黎又唔會太苦，好啱我嘅口味。🥰 ～ 新奧爾良烤卡彊雞腿🍗 $125 主食決定試下佢哋其中嘅signature 新奧爾良烤卡彊雞腿。因為係即叫即整，所以要等20分鐘。不過食物上枱之後，覺得等係值得嘅。😻雞腿後用咗天然無激素雞腿，表面烤得香脆，色澤金黃。雞腿配埋好豐富嘅配菜，有麵包同烤蔬菜，包括有蘆筍，大蔥，蕃茄同青瓜。呢個菜賣相顏色已經好靚。雞腿好大隻，切開見到好新鮮熱辣，熱氣不斷飄出。🤤食落表皮脆口, 肉質好嫩滑多汁。點埋特製紅椒醬汁，味道仲濃郁，有啲微微嘅辣味，好好味。增加咗食物嘅層次感同口感，真係食過返尋味。 Oma Specialty Coffee嘅咖啡同新奧爾良烤卡彊雞腿好出色，味道豐富多層次，加上呢到舒適嘅環境同店員嘅友善服務，覺得呢度好值得推薦俾身邊嘅朋友。有機會一定會再嚟，試埋佢其他嘢食☺️。 Oma Specialty Coffee 地址： 大坑浣紗街9號地舖 推介度：⭐️⭐️⭐️⭐️⭐️/5⭐️ #文青 #咖啡 #Oma #Omaspecialtycoffee #coffee #cafe #工業風 #大坑 #熱門菜式 #打卡 #chill #週末 #下次要再食